Footer

Bakuna para animal, naiwaras kadagiti LGUs

VIGAN CITY – Nagiwaras ti provincial veterinary office kadagiti bakuna a naited kadagiti lokal a gobierno ditoy probinsia.

Naited dagiti bakuna bayat ti taripnong dagiti livestock inspectors a naangay iti provincial capitol.

Segun ken ni Provincial Veterinarian Joey Warren Bragado, agtultuloy ti programa ti provincial government a panaggatang kadagiti bakuna para kadagiti taraken nga animal tapno maiyadayoda kadagiti sakit.

Innayon ti provincial veterinarian a libre dagiti bakuna a naited kadagiti LGUs ket librento met nga ipaay dagiti munmunisipio ti serbisio a panagbakuna kadagiti taraken nga ayup.

Maysa kadagiti naipangruna a ginatang ti gobierno probinsial a bakuna ti kontra rabies agsipud ta delikado daytoy a sakit, kinuna ni Bragado.#

Comments are closed.