Footer

Drug pusher nakasuan

BAGUIO CITY – Nakasuan iti opisina ti city prosecutor ti maysa a masuspetsa a drug pusher gapu iti panaglabsingna iti RA 9165.

Natiliw ni Armando B. Sotero, Jr., natibo iti Tram, Ucab, Itogon, Benguet, iti insayangkat dagiti polis a buy bust operation iti asideg ti balayna sadiay Bakakeng Norte, ditoy siudad idi Pebrero 6.

Inaresto dagiti polis ti suspek kalpasan a linakuanna iti droga ti maysa nga ahente ti PDEA-CAR a nagpammarang a maysa a buyer.

Nakumpiska dagiti polis iti ikut ni Sotero ti maysa a plastic sachet a mapapati a naglaon iti shabu nga agdagsen iti .10 gramo nga agbalor iti P9,000.00.

Nakalista ni Sotero iti target list ti polis a maysa kadagiti drug personalities iti CAR.#

Comments are closed.