Footer

Mass wedding, naisayangkat

BANTAY, Ilocos Sur – Tallopulo ket uppat nga asmang ti nagkallaysa iti sidong ti Simbaan Katolika iti Barangay Paing ditoy nga ili idi Pebrero 14, Aldaw ti Puso.

Inesponsoran ni Mayor Samuel Parilla ti mass wedding kas sagutna iti daytoy nga aldaw a panangselebrar iti Aldaw ti Puso kadagiti couples nga agtiptiponen nga awan pay ti bendision ti sakramento ti kallaysa iti Simbaan.

Nagtinnulong ti parokia ti Paing babaen ken ni Fr.  Alex Malcaba ken ti parokia ti Santa iti babaen ni Gerry Aquino iti pannakaangay ti mass wedding.

Timmabuno iti mass wedding  ni dati a Mayor Chinita Parilla ken dagiti konsehal ditoy nga ili ken nagpaay a ninong dagiti nagkallaysa.

Kalpasan ti kasar, naisaruno a nabuniagan dagiti annak dagiti nagkallaysa.#