Footer

Seal of Good Housekeeping, nagun-od ti Ilocos Sur

VIGAN CITY -Immawat ti Ilocos Sur iti premio gapu iti pannakagun-odna iti Seal of Good Housekeeping.

Naammuan manipud iti Department of Interior and Local Government a napremioan ti Ilocos Sur iti P7 million gapu ta maysa kadagiti probinsia a nakagun-od iti Seal of Good Housekeeping itay nabiit.

Segun ken ni OIC DILG Provincial Officer Victoria Ramos, naawatdan ti P7 million a premio ti Ilocos Sur ket maiyawatto daytoy iti maysa a seremonia a maaramid iti mabiit.

Malaksid ti probinsia, sumagmamano pay nga ili ditoy probinsia ti naikkan iti Seal of Good Housekeeping ket immawatda iti sag-P1 million.#

 

Comments are closed.