Footer

6 pagadalan naipasdek para katutubo iti Ilocos Sur

SUYO, Ilocos Sur – Addan innem a pagadalan dagiti ubbing a katutubo ditoy probinsia.

Naammuan ti Tawid News a naipasdek dagitoy a pagadalan para iti indigenous people’s education iti Alilem-Sugpon District (2);  iti Cervantes-Quirino District (2), iti Banayoyo-Lidlidda-San Emilio District (1), ken iti Suyo District (1).

Nagtinnulongan ti Department of Education ken gobierno probinsial a linuktan dagitoy a pagadalan para kadagiti ubbing nga annak dagiti kameng ti tribu iti upland towns iti probinsia.

Segun iti maysa a mangisursuro ditoy, maiyadal iti pagadalan dagiti cultural values, panagtokar kadagiti nadumaduma nga instrumento iti kabambantayan ken dagiti kaugalian tapno matagiben ti identidad dagiti tribu iti upland towns iti probinsia.

Innayonna a nupay nakabaag ken nakatapis dagiti agad-adal kadagitoy a pagadalan, nakalaptopda  tapno masursuruanda nga agaramat iti kabaruanan a komunikasion tapno agbalinda a globally competitive.#