Footer

KAPITOL Outreach Program, naidanon iti Sugpon ken Alilem

ALILEM, Ilocos Sur – Dua nga upland municipality ti dinanon ti Kakabsat nga Agnaed iti Probinsia ti Ilocos Sur Idanonmi ti Tulong ken serbisio, aniaman nga Oras dita Lugaryo (Kapitol Outreach Program) ti gobierno probinsial ket inyawatda dagiti ramit-talon,  ramit-komunikasion, kitchen utensils ken dadduma pay a serbisio nangruna iti salun-at idi Pebrero 19 ken 21.

Immuna a dinanon daytoy poverty alleviation program ti gobierno probinsial ti Sugpon idi Pebrero 19 ket inyawatda dagiti kiniddaw dagiti barangay officials a kuliglig, generators, water pumps, knapsack sprayers, welding machines, hose, tubo, makina a pagdait, paglutuan, kaldero, siliasi ken dadduma pay a kitchen utensils, tolda, tugaw, lamisaan, computer sets, laptop, nebulizers, BP aparatus. Adda pay naited a provincial aid a sag-P5,000 kadagiti innem a barangay ti Sugpon.

Siam a barangay iti Alilem ti sinerbian ti nasao a programa idi Pebrero 21 ket naited kadagiti barangay officials dagiti tubo ken hose a pagpadanum,  jetmatic pumps, knapsack sprayers, kitchen utensils, tolda, sound systems, lamisaan, tugaw ken barangay aid.

Naikkan pay iti sarukod ken wheelchairs dagiti nataengan ken makasapul nga agindeg kadagiti dua a barangay. (Mancielito S. Tacadena and Danny Antalan)