Footer

Menor de edad, bimmagsol

CANDON CITY – Menor de edad pay laeng daytoy suspek ngem napudoten ti panagul-ulona ken bumagsol payen no makiriri.

Binagsol ni Lito (parbo a nagan ta menor de edad), 17, ti kalugaranna a kinasubangna sadiay Salvador 2nd ditoy siudad idi Pebrero 19.

Naitaray ni Marlon Orpilla, 31, residente iti nadakamat a barangay tapno maagasan ti sinagrapna a sugat iti makannawan a paset ti bagina gapu iti panangbagsol kenkuana ti menor de edad.

Naglibas ti menor de edad, kuyogna ti imuko kalpasan a binagsolna ni Orpilla.

Saan a nailanad iti report no ania ti ramut ti panagsubang dagiti agkalugaran.#