Footer

Mannalon, napapatay

SINAIT, Ilocos Sur – Maysa a mannalon ti pinapatay dagiti armado a tattao sadiay Barangay Tubigay ditoy nga ili itay lawasna.

Dagus a nagudas ni Manuel Inong Yago, 50, mannalon, naasawaan, ken residente iti nadakamat a barangay gapu kadagiti linak-amna a sugat iti nagduduma a paset ti bagina.

Segun iti report, aggawiden ti biktima manipud iti inuman iti agarup alas onse ti rabii ti Pebrero 28 idi pinaratupot dagiti di pay nabigbig a tattao a puon ti dagus a nakatayanna.

Nasarakan a maysan a bangkay ni Yago iti igid ti barangay road a sumrek iti nadakamat a barangay.

Kitkitaen dagiti inbestigador ti anggulo a trianggulo ni ayat ti motibo ti pammapatay.#

 

Comments are closed.