Footer

P17-M napastrek ti BOSS-Candon iti tallo lawas

CANDON CITY – Nasurok a P17 milion ti nakolekta daytoy a siudad iti las-ud ti tallo a lawas manipud nangrugi a naipakat ti Business One Stop Shop (BOSS) iti daytoy a tawen.

Kinuna ni Mary Jean Abrero, City Business Permit and Licensing officer, nga agdagup iti P17,036,351 ti pakabuklan a koleksion iti BOSS para iti tawen 2013 manipud kadagiti negosiante a pakairamanan ti business tax, mayor’s permit ken regulatory fees, franchise tax, occupational permit fee, rental fees, market loan repayments, renewal of lease contracts ken dadduma pay.

Kinuna ni Abrero a manamnama a ngumato pay ti koleksion ta adda dagiti negosio a quarterly ken semi-annually ti panagbayadda iti business tax ket magun-odda ti puntiriada a P19 milion a koleksion para iti daytoy a tawen.

Naisayangkat ti BOSS para iti nadardaras a pannakaited iti serbisio kadagiti agpabaro iti lisensia, prangkisa, agbayad iti renta iti tiendaan, ken dadduma pay a pagbuisan.#

Comments are closed.