Footer

Panagaplikar iti CSC Career Examination, agpatingga iti Marso 5

VIGAN CITY – Agpatingga laengen iti Marso 5 ti panagaplikar para iti Career Service Examination – Paper and Pencil Test (Professional and Subprofessional Levels) nga isayangkat ti Civil Service Commission.

Naammuan iti CSC nga idi koma Pebrero 28 ti deadline ti panagipila iti aplikasion para iti nasao nga eksaminasion ngem napawaywayan agingga iti Marso 5 tapno maikkan iti gundaway dagiti mayat nga ageksamen nga agpila iti aplikasionda.

Iti Vigan City ti maysa kadagiti testing center daytoy nga eksaminasion a maangay inton Abril 14.

Kinuna ti CSC a nairaman ti Vigan City a testing center tapno saan a magastaran dagiti taga-Ilocos Sur iti pagplete ken gastuenda no iti pay la San Fernando City, La Union wenno iti Laoag City ti pagaplikaranda para iti daytoy nga eksamen.#