Footer

Unity walk naangay iti Cabugao

CABUGAO, Ilocos Sur – Naangay ti unity walk ditoy idi Pebrero 28 babaen ti initiatibo ti kapolisan ditoy nga ili.

Malaksid dagiti polis nga indauluan ni COP Police Senior Inspector William Nerona, nakipartisipar iti nasao a unity walk para iti Secure and Safe Elections 2013 dagiti kameng ti Bureau of Fire Protection, pannakabagi ti Department of Interior and Local Government, ken dagiti pannakabagi ti lokal a gobierno.

Naiyussuat ti unity walk iti 4:30 ti agsapa ket nangrugi dagiti partisipante a  nagna manipud iti police station agingga iti Cabugao Institute sada nagsubli met laeng iti BFP station.

Maysa ti unity walk kadagiti inrusat ti kapolisan para iti kampaniana a pannakaisayangkat ti nadalus ken natalna nga eleksion inton Mayo 13 daytoy a tawen.#

Comments are closed.