Footer

Candon City Division, kampeon iti football iti IRAA

CANDON CITY – Ti Candon City Division ti kampeon iti football iti Inter-Regional Athletics Association (IRAA) a naangay iti Lingayen, Pangasinan manipud Pebrero 24 agingga iti Marso 2.

Kinuna Alex Razo, Candon City division education supervisor ken sports coordinator, a 15 a balitok a medalia ti inyawid ti Candon City Division, 11 kadagitoy ti inabak ti football team secondary boys, 3 iti athletics ken 1 iti SPED athletes.

Innayonna a nangabakda pay iti silver medals iti chess, boxing (elementary), scrabble (elementary) ken bronze medal iti sipa (elementary), scrabble ken athletics.

Kinuna ti sports coordinator a ngimmato met ti ranking ti dibision iti maikasiam manipud iti maika-12 idi napan a tawen.

Maangay inton Abril ti Palarong Pambansa a pagsasalipan dagiti nangabak iti inter-regional competition.#