Footer

Miss Virginia Tobacco, makoronaan iti panagpiesta ti Candon City

CANDON CITY – Kas paset ti panagpiesta daytoy a siudad, maangay ti pasalip a pakapilianto ti Miss Virginia Tobacco kas tampok a pabuya ti Tobacco Festival.

Itay lawasna, naipresentar dagiti sangapulo ket dua nga imnas a makisalip para Miss Virginia Tobacco iti National Tobacco Administration building, Candon City Branch ken iti Candon Hotel.

Dadakkel a premio ti agur-uray kadagiti mangabak iti pasalip: P50,000.00 para iti Miss Virginia Tobacco, P40,000.00 para iti 1st runner-up, P30,000.00 para iti second runner-up ken sag-P20,000.00 kas consolation prize dagiti di mangabak.

Maangay pay bayat ti parambak dagiti nadumaduma a pasalip, kas iti pinnardasan iti panagdubla iti tabako, kaatiddogan ken kadakkelan ti madubla a tabako.

Ti Candon City ti kadakkelan ti produksion ti tabako iti Ilocos Sur.#

Comments are closed.