Footer

Napana a baliena, natayen a naisadsad

BAUANG, La Union – Natayen ti baliena a nagsagrap iti dunor gapu iti pannakapanana kalpasan a naisadsad iti maysa a coastal barangay a sakup daytoy nga ili idi Marso 7.

Mapapati a ti dunorna ti nakatayan ken nakaisadsadan ti baliena a maaw-awagan iti pygmy sperm whale.

Immuna a naisadsad ti baliena iti igid ti baybay ti Sitio Tawi-Tawi, Barangay Poro, San Fernando City ket natakuatan a nadunor ti bakrangna gapu iti pannakapanana.

Imbulos met laeng dagiti empleado ti Bureau of Fisheries and Aquatic Resources (BFAR) iti baybay kalpasan nga inagasanda ti sugatna.

Ngem posible a napakapsutan unay ti baliena gapu iti sugatna ket naisadsad manen iti coastal barangay ditoy nga ili.#

Comments are closed.