Footer

Natakaw a motorsiklo, narekobre

CANDON CITY – Napasubli ti maysa a lalaki ti motorsiklona kalpasan a  nasalamaan dagiti polis ti mannanakaw iti checkpoint bayat ti panangitarayna iti tinakawna a motorsiklo.

Narekobre ni Alejandro Sevilla, residente iti Barangay Oaig Daya, Candon City, ti motorsiklona nga XRM 125, nga inabandona ti di nabigbig a mannanakaw kalpasan a kinamat dagiti polis a nangsitar kenkuana iti impasdekda a checkpoint iti sango ti tiendaan publiko ditoy siudad.

Ilabas koma ti suspek ti motorsiklo iti checkpoint ngem agsipud ta awan ti helmetna, pinasardeng dagiti polis.

Pinakaskas ketdi ti suspek ti motorsiklo ngem kinamat dagiti polis ket kapilitan a tinarayanna ti motorsiklo sa timmaray a naglibas.

Naitunton dagiti polis ti motorsiklo ken ni Sevilla a nagkuna a natakaw ti luganna a naiparking iti paraangan ti balayda idi Marso 3.#

Comments are closed.