Footer

Triathlon race, maangay iti Ilocos Norte

LAOAG CITY – Angayen ti probinsia ti Ilocos Norte ti umuna a triathlon race a maangay inton Marso 30, daytoy ti impakaammo ni Provincial Tourism Officer Ianree Raquel.

Inorganisar ti TriSports Solutions, Inc. babaen ti kooperasion ti gobierno probinsial ti Ilocos Norte ken Tri-North, gunglo dagiti triathletes, manamnama ti pannakisalip ditoy ti nasurok 200 a triathletes.

Tallo a race distances ti pagsasalipan: sprint, Olympic distance ken Olympic distance mixed relay.

Para iti umuna nga stage, agsasalip dagiti partisipante iti swimming a maangay iti beach front ti Playa Tropical Resort iti Currimao. Para iti maikadua a leg, agbisikleta dagiti partisipante a lumasat iti Currimao, Paoay, ken Laoag City babaen ti Currimao-Paoay-Suba-Balacao Road. Iti maikatlo nga stage, maangay ti run route course a mangrugi iti Plaza Del Norte Hotel and Convention Center, Laoag City babaen the Paoay Golf Course. (Manipud iti report ni Grazielle Mae A. Sales)

Comments are closed.