Footer

Vigan City, Candon City, excellent iti Good Housekeeping

VIGAN CITY – Agpada nga ekselente ti nagun-od a marka ti Vigan City ken Candon City iti pananggrado kadakuada ti Department of Interior and Local Government mainaig iti nasayaat a pannakaimaton iti turay dagitoy dua a siudad.

Nakagun-od ti Vigan City iti 95.8% idinto a 90.91% ti Candon City ket agpadada a nagraduan iti excellent iti Good Housekeeping, programa ti nasao nga ahensia a mangbigbig kadagiti il-ili, siudad ken probinsia, a nasayaat ti pannakaimaton ti turayda.

Gapu iti ekselente a marka a nagun-odda, umawat ti Vigan City ken Candon City iti Seal of Good Housekeeping ken premio.#