Footer

Kalsada, rangrangtay, main-inbentario

CABUGAO, Ilocos Sur – Madama ti pannakaimbentario dagiti rehistrado a kalsada a pakaibilangan dagiti kalsada iti barangay, munisipal, ken probinsial, kasta met dagiti rangtay ditoy nga ili.

Naammuan ti Tawid News a maiwaywayat ti pannakainbentario dagiti kalsada ken rangrangtay kas paset iti pammilin ni Mayor Edgardo S. Cobangbang, Jr. idi Enero 28, 2013.

Kinuna ni Engr. Warren S. Siruno, team leader dagiti agrukrukod, nalpasdan a nainbentario dagiti kalsada a masakupan ti 21 a barangay ket itultuloyda ti panagtrabahoda agingga iti maileppasda amin dagiti 33 a barangay ditoy nga ili.

Impaulog ni Cobangbang ti nasao a pammilin tapno mapabaro ti inbentario dagitoy nga inprastruktura tapno adda pagbatayan ti Municipal Planning and Development Council ken ti gobierno ditoy iti panagplanoda para iti panagdur-as daytoy nga ili.#

Comments are closed.