Footer

Kapitol Outeach Program, naisayangkat iti Sigay

SIGAY, Ilocos Sur – Batang met idi Marso 11 daytoy upland municipality nga iturayan da Mayor Aries Gaerlan ken Vice Mayor Simeon Wandas a nakaisayangkatan ti Kapitol Outreach Program ti gobierno probinsial.

Simmang-at ditoy ti grupo manipud iti gobierno probinsial nga indauluan ni Vice Governor Deogracias Victor Savellano, ni 1st District Congressman Ryan Luis Singson, ken dagiti hepe dagiti nadumaduma nga ahensia ti turay tapno idanonda ti serbisioda kadagiti agindeg.

Naiwaras iti daytoy nga aldaw dagiti ramit-talon a pakaibilangan ti GI pipes, kuliglig, first aid kit, water pumps, faucets, threader, semento, wheelchair, tolda, laptop, LCD projector, ken shredder, kas kiniddaw dagiti opisial dagiti nadumaduma a barangay daytoy upland municipality.

Ti Sigay ti maikatlo nga upland municipality a nakaisayangkatan ti Kapitol Outreach Program, sumaruno iti Alilem ken Sugpon.#