Footer

Peace covenant, naisayangkat

SALCEDO, Ilocos Sur – Naangay ti maysa a peace covenant iti nagbaetan dagiti kandidato ditoy nga ili para iti masungad nga eleksion inton Mayo daytoy a tawen idi Marso 12.

Mismo nga inimatangan ni PNP Provincial Director Dennis Basngi ti naangay a peace covenant iti laem ti simbaan babaen ti initiatibo ti PNP ditoy, ti PPRCV nga idadauluan ni Fr. Constantino Atinaja, Jr., ti Commission on Elections ken ti RIC ditoy nga ili ken nagatendaran da Vice Mayor Leopoldo Gironella, Jr., kandidato para mayor, Nina Itchon, para bise mayor, ken dagiti kandidato para sangguniang bayan.

Segun ken ni Basngi, daytoy ti umuna a gundaway a nagatendar iti peace covenant a naangay iti upland municipality.

Naisayangkat ti peace covenant kas paset ti kampania ti kapolisan a Safe and Fair Election 2013 inton Mayo.#