Footer

Security guard, natakawan

VIGAN CITY – Natakawan ti guardia ti maysa a pasdek negosio ditoy siudad idi malem ti Marso 15.

Nagpulong iti polis ni Michael Valencia Manzano, 34, naasawaan, guardia ti Standard Lumber and Hardware a masarakan iti Barangay 1 ditoy siudad, a natakaw ti selpon ken kuartana idi agarup alas dies ti rabii ti Marso 15.

Segun iti guardia, binaon ti bossna a napan gimmatang iti beer in can iti nadakamat nga oras ngem idi agsubli, awanen ti bagna a nakaikabilan ti selponna, charger, headphone ken ti petakana a naglaon iti kuarta a mapapati a sinikuat ti di pay nabigbig a mannanakaw bayat ti kaawanna iti puestona.

Nupay kasta, kinuna ti akinkukua a rebisarenda ti CCTV a naikabit iti nasao a pasdek-negosio ket manamnama a maammuan ti nangtakaw iti bag ti guardia.#