Footer

Farm to market road, naluktan

BANAYOYO, Ilocos Sur – Saanton a problema dagiti umili ditoy ti agidaliasat kadagiti produktoda agisipud ta naluktanen ti kalsada iti nagbaetan ti dua nga agrarian reform communities ti Candon City ken daytoy nga ili itay nabiit.

Kinuna ni Mayor Severino Galanga a manamnama ti idudur-as ti ekonomia ti ilina kalpasan ti panaglukat ti farm to market road nga agresulta iti nalaklaka a pannakaibiahe dagiti produktoda manipud iti talon agingga kadagiti paglakuan.

Nabusbos ti aganay P30 million iti pannakaaramid ti nasao a kalsada, pakairamanan ti Binnuyog bridge a nangrangtay iti Barangay Salvador ARC ti Candon City ken ti Barangay Taclin ARC daytoy nga ili.

Iti kallabes, dakkel a problema dagiti agindeg ditoy nga ili ti pannakaibiahe dagiti produktoda nangruna no tiempo ti matutudo.#

Comments are closed.