Footer

Mangngalap, nabettakan iti bongbong, natay

BURGOS, Ilocos Norte – Nabettakan iti bongbong ti maysa a mangngalap sadiay kabaybayan daytoy nga ili a puon ti ipapatayna.

Segun iti report manipud iti polis, nagbettak ti iggem a bongbong ni Roberto Bucao, 51, residente iti Barangay Bubon ditoy nga ili,  a puon ti pannakaputed ti kanawan nga imana ken panagsagabana kadagiti sugat iti nadumaduma a paset ti bagina a nagresulta iti ipapatayna.

Segun dagiti kalugaran ti biktima, timmapogda iti baybay idi agarup alas siete ti bigat ti Marso 20 ket bayat ti panagkalapda, nakangegda laengen iti kanalbuong iti paset ti baybay a yan ti biktima.

Idi immarayatda nakitada laengen daytoy a daradara ken nakaro dagiti sugatna.#