Footer

P7-M naipasublat kadagiti agmulmula iti tabako

SAN JUAN, Ilocos Sur – Nasurok a P7 million ti naipasublat ti gobierno munisipal ditoy kadagiti mannalon para iti daytoy a panagtatabako, segun ken ni Mayor Benjamin Sarmiento itay nabiit.

Kinuna ni Sarmiento nga agtultuloy ti panangipaay ti gobierno munisipal ti pautang kadagiti agmulmula iti tabako ditoy agsipud ta napintas ti rekordda nga agbayad iti utangda.

Naammuan iti mayor  a dumakdakkel ti maipautang ti gobierno munisipal agsipud iti napintas a rekord dagiti mannalon nga agbayad.

Kabayatanna, kinuna ti mayor nga addan dagiti mannalon nga agbaybayad ti nasublatda kalpasan a nakalakoda iti damo nga apitda a tabako.

Naggapu ti loan assistance  nga ipapaay ti gobierno munisipal iti bingay ti munisipio manipud iti RA 7171 tapno matulongan dagiti mannalon ditoy iti busbosenda iti panagmulada iti tabako.#