Footer

Tricycle driver, pinaltoganna ti kaanakanna

CANDON CITY – Natay ti maysa a lalaki kalpasan a pinaltogan ti ulitegna sadiay Barangay Paypayad idi rabii ti Marso 30.

Saanen a naiyabot iti  Candon City Hospital ti biag ni Neil Novida, 24, naasawaan, gapu iti sugatna iti barukongna kalpasan a pinaltogan ti ulitegna a ni Alejandro Gargabite, 50, baro, tricycle driver ken agnaed met laeng iti nadakamat a barangay.

Iti panagimbestiga dagiti polis, nagturong ti biktima iti balay ti suspek tapno makipatang mainaig iti dati a susikda ngem mapapati a dida latta nagkinnaawatan a nagtungpal iti panangpaltog ti suspek iti biktima.

Iti pannakaisurat daytoy, nakapupok ti suspek iti police station ditoy.#