Footer

Mass and prayer for peace, naisayangkat

CABUGAO, Ilocos Sur – Nakipagpaset dagiti kandidato ditoy nga ili iti maysa a misa a naangay iti St. Mark the Evangelist Church idi Marso 31.

Kinuna ni Fr. Felix Costales, kura paroko ditoy nga inyawisna ti mass and prayer for peace para iti kampania ti nadalus ken natalna a pannakaisayangkat ti eleksion inton Mayo daytoy a tawen.

Naangay ti misa ken karkararag para iti kappia iti nasao a simbaan iti alas otso y media.

Innayon ti kura paroko a saanen a maisayangkat pay ti peace covenant a pagpipirmaan dagiti kandidato idinto a linagidawna  adda latta met dagiti insidente a mapasamak a kaadduanna a pakainbolbaran dagiti paspasurot kalpasan ti panagpipinnirma dagiti kandidato iti katulagan ti kappia.

Agpailayon iti puestona ni Mayor Edgardo S. Cobangbang, Jr., katiketna ni dati nga SK Federated President Victor Jose Savellano a para bise mayor.

Itay nabiit, kinansela ti Commission on Elections ti sertipiko ti kandidatura ni Amelia Amparo Sunio-Abarquez gapu ta mapapati nga American citizen.

Nagapela ni Abarquez ngem awan pay ti desision ti poll body no matuloy a kandidato para mayor.  #

Comments are closed.