Footer

Nabartek, natnag iti kanal, natay

CANDON CITY – Maysa a lalaki ti naduktalan nga awanen ti biagna iti uneg ti kanal sadiay Barangay Bagani Ubbog ditoy siudad idi Marso 23.

Naireport a nasarakan a natay idi agarup alas sais ti nadakamat a petsa ni Manuel Galicia, mannalon, residente iti nadakamat a barangay a mapapati a natnag iti footbridge idi aggawid iti balayda idi rabii ti Marso 22.

Segun iti polis, naggiinom ti biktima ken di nainaganan a kalugaranna ket idi agarup alas 9 ti rabii ti nadakamat a petsa, naggawiden daytoy ngem mapapati a natinnag bayat ti ibaballasiwna iti footbridge.

Nagsagrap ti biktima iti dunor iti teltel ken durina a nakaigapuan ti pannakatayna.

Awan ti makitada a pakakitaan nga adda foul play iti pannakatay ni Galicia, segun iti SOCO.#

Comments are closed.