Footer

Nabulod a traysikel, naisalda

STO. DOMINGO, Ilocos Sur  – Maysa a lalaki ti naipulong iti polis gapu ta mapapati nga insaldana ti traysikel a binulodna iti ulitegna.

Nagpulong iti polis ni Dario Tabarnilla, 55, naasawaan, mannalon, residente iti Barangay Lagatit ditoy nga ili gapu ta mapapati nga insalda ti kaanakanna a ni Richard Tadique, addaan naan-anay nga edad ti binulod daytoy a traysikel.

Segun iti biktima, sinublat ti kaanakanna ti traysikel ngem saanna metten nga insubli ket idi napanna tinunton ti luganna iti balay ti kaanakanna, naammuanna a di pay naggawid daytoy ken naisalda ti traysikelna sadiay Barangay Balaleng, Bantay, Ilocos Sur.

Iti pannakaisurat daytoy, di pay ammo no sino ti nangsalda iti traysikel ti biktima.#