Footer

2 natay iti aksidente ti lugan

STA. LUCIA, Ilocos Sur – Dua nga agtutubo ti natay idi dinungpar ti maysa a pampasahero a bus ti motorsikloda sadiay Barangay San Juan ditoy nga ili idi rabii ti Abril 5.

Naideklara a dead on arrival iti ospital a nakaitarayanda da Allan Joseph Barba, 18, ken ni Jerick Jacobe, 18,  agpada nga agnaed iti Barangay Tampugo, Santa Cruz, Ilocos Sur gapu iti nakaro a sugatda maigapu iti panangdungpar ti Chona Patrick Liner a minaneho ni Junel Gubatan, 34, residente iti Barangay Subec, Pagudpud, Ilocos Norte, ti Kawasaki a motorsikloda sadiay Barangay San Juan iti nadakamat a rabii ken petsa.

Segun iti panagimbestiga dagiti polis, agpaabagatan ti motorsiklo a minaneho ni Barba idinto nga agpaamianan ti bus idi aksidente a nadungpar ti naud-udi ti lugan dagiti biktima.

Gapu iti pigsa ti pannungpar, mapapati a dagus a natay dagiti dua gapu iti grabe a sugatda.#