Footer

Chopchop a motorsiklo, natakaw

VIGAN CITY – Masumok manen dagiti mannibrong ti agtakaw iti motorsiklo ditoy siudad.

Nagreport ni James Ulibas, 20, baro, ken residente iti Barangay Lubong, San Vicente, Ilocos Sur a natakaw ti chop chop a motorsiklona nga imparkingna iti amianan a paset ti tiendaan idi Abril 10.

Segun iti polis, imparking ti biktima ti luganna iti amiananen a paset ti Vigan Commercial Complex iti agarup alas onse ti aldaw ti Abril 10 sa napan nagpapukis iti maysa a parlor shop.

Kalpasan ti maysa nga oras, sinubli ni Ulibas ti motorsiklona tapno aggawiden ngem awanen daytoy iti nakaiparkinganna.

Sinapul ti biktima ti luganna ket idi dina latta mabirokan, inreportna iti polis para iti pannakai-blotterna.

Iti pannakaisurat daytoy, di pay nasapulan ti lugan.#

Comments are closed.