Footer

4,000 bakawan, naimula

CAOAYAN, Ilocos Sur – Agdagup iti duapulo ket uppat a ribu a mangrove ti naimula iti igid ti karayan a sakup ti uppat a barangay ditoy nga ili itay nabiit.

Kinuna ni Gemma Real, Bureau of Fisheries and Aquatic Resources coordinator, nga agdagup iti 12,000 mangrove propagules ti naimula iti Barangay Poro, 5,000 propagules iti Barangay Villamar, 4,000 propagules iti Barangay Fuerte ken 3,000 propagules iti Barangay Tamurong para iti kadagupan a 24,000 mangrove propagules a naimula kadagiti nadakamat nga uppat a barangay.

Segun iti Fisheries coordinator, nakikontrata ti opisinada kadagiti nagmula iti mangrove propagules ket binayadanda dagitoy iti P2 tunggal pinuon.

Innayonna a  mangtedto ti opisinada iti sabali pay a P2 tunggal puon a mabiag kalpasan ti makatawen.

Paset ti proyekto ti BFAR regional office ti panagmula iti mangrove wenno bakawan kadagiti coastal barangays tapno agpaay dagitoy a proteksion ti lugar iti pannakalayus.#

Comments are closed.