Footer

Balay, dimmapo gapu iti uram

SAN ESTEBAN, Ilocos Sur – Maysa a pagtaengan ti dimmapo sadiay Barangay Apatot idi agarup agmatuon ti Abril 14.

Mapapati a faulty wiring ti nakaigapuan ti uram a nagkayamkam iti maikadua a kadsaaran  ti balay ti maysa a Rexy Swain, negosiante.

Nupay nagresponde dagiti bumbero ti Bureau of Fire Protection a naggapu iti kaparanget daytoy nga ili, napardas ti panagkayamkam ti apuy ket saan a nasalbar ti balay malaksid dagiti sumagmamano nga alikamen.

Saan a dagus a naammuan no mano ti balor dagiti sanikua a dimmapo gapu iti uram.#