Footer

Choral artists, nagtataripnong

LAOAG CITY – Nagtataripnong dagiti choral artists ditoy probinsia manipud idi Abril 10 agingga iti Abril 16.

Nagbuligan ti Philippine Choral Directors Association (PCDA) ken ti provincial government ti Ilocos Norte daytoy “kadakkelan a nasional a panagtitipon dagiti choral artists” iti probinsia a nakipartisiparan ti nasurok 100 a delegado manipud iti nadumaduma a paset ti pagilian ken dua a delegado manipud iti Thailand.

Kinuna ni Gov. Imee Marcos nga iti kaadu dagiti programa ken aktibidad ti gobierno probinsial a mangibayog iti kultura, positibo a makaawisda kadagiti ad-adu pay a pagteng a kas iti daytoy a taripnong.

Karaman dagiti aktibidad iti taripnong ti pannakaangay ti national masterclass a nangitanggaya iti advanced training kadagiti nakipartisipar, ti general assembly a nakabutosan dagiti opisial, ken  ti choral celebration a pannakaipabuya dagiti concert a nangitampok kadagiti leading ensemble iti pagilian ken acclaimed choirs iti Amianan a Luzon iti Sta. Monica Parish Church iti Sarrat, St. Agustine Parish Church iti Paoay, St. William Cathedral iti Laoag, St. Andrew Parish Church iti Bacarra ken St. Nicholas of Tolentine Parish Church iti San Nicolas. (Manipud iti report ni Ephraim Jovid Bulusan)