Footer

Media forum angayen ti DOST-1

VIGAN CITY – Isayangkat ti Department of Science and Technology Regional Office 1 (DOST 1) ti maysa a media forum a maangay inton Abril 29, 2013 manipud iti 8:00 am agingga iti 12 pm iti Hotel Salcedo de Vigan, ditoy siudad.

Tumabuno iti nasao a forum ni DOST -1 Regional Director Elsa R. Chan, ni Assistant Regional Director for Technical Operations Dr. Armando Q. Ganal, idinto nga ipresenta da Provincial S & T Director, DOST Ilocos Sur Ramon S. Sumabat dagiti programa ken proyekto ti DOST iti Ilocos Sur.

Ibinsabinsa met ni Nerio Gacutan ti MGN Diana Food Products iti Gabor Norte, Sta. Cruz, Ilocos Sur no kasano a nagballigi ti negosiona babaen ti pannarabay ti DOST.

Maangay pay ti open forum sakbay ti panaggibus ti programa ken pangngaldaw.#

Comments are closed.