Footer

Voters education campaign, maisayangkat

CANDON CITY – Tapno agbalin a naannayas ti panagbutos babaen ti Picos machine iti masungad a panagpipili, mangisayangkat ti Commission on Elections iti voters education campaign iti dua nga aldaw kadagiti walo a lugar ditoy siudad.

Kinuna ni Assistant Election Officer Maximo Jabar nga agturongdanto kadagiti clustered barangays ditoy siudad inton Abril 22 ken 26 tapno isuroda kadagiti botante dagiti nasken nga aramidenda iti panagbubutos inton Mayo 13.

Kinuna ni Jabar a partikular nga isuroda no kasano ti panagbutos babaen ti Picos machine, kasano ti umno a panag-shade iti timbukel, panangliklik iti panagmarka iti papel, iti panagannad tapno saan a lumbes ti bilang dagiti maibutos, no kasano ti panangisubo iti makina ti balota ken dadduma pay a nasken a maammuan dagiti botante.#

 

Comments are closed.