Footer

Begnas Festival, maangay

VIGAN CITY – Impakaammo ni nabutosan a Sangguniang Panlalawigan member Atty. Robert Tudayan a maselebraran ti Begnas Festival iti Galimuyod, Ilocos Sur inton Hunio 27-28.

Kangrunaan a gagem ti nasao a festival a tinawen nga ang-angayen ti provincial government ken iti pannakikammayet ti National Commission for Culture and the Arts ti pannakapreserba ken pannakaital-o dagiti kultura ken tradision dagiti nadumaduma a tribu nga agnaed kadagiti upland municipalities iti Ilocos Sur.

Sabali pay a gagem ti nasao a parambak ti pannakaidur-as ti turismo iti probinsia.

Segun ken ni Tudayan, maipabuya bayat ti selebrasion dagiti kadaanan a sala ken kankansion ken pakaaramatan dagiti gansa ken dadduma pay a daan nga instrumento dagiti katutubo.

Kinuna ni Tudayan, maysa met a kameng ti cultural minority, a nasken a maidur-as dagiti maipagpannakkel a kultura ken tradision dagiti indigenous people agsipud ta napateg dagitoy a maipatawid kadagiti sumarsaruno a kaputotan.#

, , , ,