Footer

2 barangay ti Sta. Maria, isolated pay laeng

STA. MARIA, Ilocos Sur – Dua a barangay ditoy nga ili ti isolated pay laeng gapu iti nakaro a tudo maigapu iti panangguyod ni Bagyo Maring iti angin-Habagat.

Segun iti nakalap ti Tawid News a damag, nakubong pay laeng ti Barangay Silag ken Pacang ditoy nga ili ket awan pay ti makadanon a lugan kadagitoy a lugar isu a  saan pay a nakaibunong ti gobierno munisipal iti relief aid kadagiti agindeg kadagitoy.

Nupay kasta, naammuan a malaksid dagiti dua a barangay,  nawarasanen iti tulong dagiti biktima ti bagyo babaen ti munisipio, kasta met ken ni Congressman Eric Singson a nagibunong iti 3,000 packs a relief aid.

Nagiwaras payen ditoy iti relief aid ti gobierno probinsial nga indauluan ni Gov. Ryan Singson.

Maysa ti Sta. Maria kadagiti ili a naideklara nga state of calamity gapu iti nakaro a layus a ginubuay angin-Habagat a ginuyod ni Bagyo Maring.#