Footer

2 mangngalap, naalaw iti taaw

SINAIT, Ilocos Sur – Dua a mangngalap manipud iti kaparanget nga ili ti Cabugao nga agkatangkatang iti taaw ti naisalakan dagiti mangngalap a taga-Barangay Sabangan ditoy idi aldaw ti Agosto 20.

Segun iti report, nasaripatpatan da Manolo Dangcil ken kakaduana a mangngalap da Gregorio Llanes y Llanes, 63, naasawaan, ken ti anakna a ni  Roderick, 23, baro, agpada a residente iti  Brgy Dardarat, Cabugao, Ilocos Sur. iti taaw nga agpapaarayat ket napanda inalaw dagitoy.

Naammuan kadagiti agama a nagpabaybayda idi alas tres ti parbangon ti Agosto 20 ngem idi addadan iti taaw, nadadaelan ti makina ti bangkada ket naiyanudda.

Temporario a naipaaywan ken ni Sabangan Barangay Captain Agnesio Quebral ti demotor a bangka dagiti agama.#