Footer

Dati a mayor nga akusado iti carnapping, simmuko iti polis

SAN EMILIO, ILOCOS SUR  –  Boluntario a simmuko kadagiti pannakabagi ti linteg ditoy nga ili ti maysa a dati a mayor nga akusado iti carnapping idi aldaw ti Martes, Agosto 20.

Akusado ni dati a Mayor Lorenzo Bragado, Jr. y Gagno, 60, ti carnapping a nai-docket babaen ti criminal case 3192-C ket adda standing arrest warrant kenkuana nga inyetnag ni Judge Policarpio P. Martinez iti RTC Br. 71, Candon City a napetsaan Agosto 2, 2013.

Nawayawayaan met laeng ni Bragado, tallo terminona a mayor ken tallo terminona a vice mayor ditoy nga ili kalpasan a nakapagpiansa iti P180,000.00.

Kabayatanna, sabali pay a wanted iti kaso a carnapping ti inaresto dagiti polis sadiay Lidlidda idi agsapa ti Mierkules itay napan a lawasna.

Inarestar dagiti pannakabagi ti linteg  nga indauluan ni PSI Augusto Palitayan Cabello Jr., OIC, ni Rodolfo Cawis y Bolanos, 60, addaan asawa ken agindeg iti Brgy. Banucal, Lidlidda, babaen ti warrant of arrest nga inyulog ni Judge Policarpio P. Martinez iti RTC Br. 71 a napetsaan Agosto 2, 2013 mainaig iti kaso a  carnapping, docketed under criminal case number 3192-C  nga addaan iti P180,000.00 rekomendado a piansa.

Naipan iti Lidlidda PS ti nakemmeg para iti umno a disposision.#

Comments are closed.