Footer

Granada, nasarakan dagiti ubbing

CANDON CITY, Ilocos Sur –  Maysa a granada ti naireport a nasarakan dagiti ubbing nga agbirbirok iti uong iti igid ti karayan sadiay Barangay Langlangca Primero idi bigat ti Agosto 20.

Indauluan ni Police Insp. Ricardo Naungayan dagiti taona nga eksperto iti  EORA/PBI a napan nangala iti nasao a granada kalpasan a naawatda ti report manipud ken ni Langlangca First Brgy. Capt. Antonio Gardiano y Cudiamat, 60 anios, addaan asawa.

Kuna dagiti polis a maysa nga MK2 fragmentation grenade ti nasarakan dagiti ubbing, aglatlati, awanan safety pin/ring ken awanan pay safety leverna.

Addan ti ikut dagiti polis daytoy.#

Comments are closed.