Footer

Housing project, maipasdek iti Vigan City

VIGAN CITY, Ilocos Sur – Maysa a maplanplano a proyekto ti gobierno ti siudad ditoy ti pannakaipasdek ti pabalay para kadagiti empleado ti gobierno a residente ditoy, daytoy ti impalgak ni Mayor Eva Marie S. Medina itay nabiit.

Segun iti mayora, maipasdek Barangay San Julian Sur ti proyekto ti pabalay iti lote a nagatang ti gobierno ti siudad.

Sabali a paset ti lote ti pakaipatakderan ti  Conservation Complex.

Kinuna ni Medina a nakalukat ti nasao a proyekto saan a laeng a kadagiti city employees  no di amin a Pag-ibig plan holders a residente iti Vigan City.

Naammuan iti mayora a joint undertaking ti Pag-ibig ken ti National Housing Authority ti proyekto ti pabalay tapno mangipaay kadagiti Pag-ibig plan holders ditoy siudad iti gundaway a maaddaan iti bukodda a balay.#