Footer

Tanker truck, van nagdinnungpar

SANTA, Ilocos Sur – Narugit a kalsada ti mapapati a nakagapu iti panagdinnungpar ti maysa a ten-wheeler truck ken van iti national highway a sakup ti Barangay Manueva ditoy nga ili idi Agosto 28, 2013.

Nakaro ti dadael ti makannigid a sungo ti Hi-Ace van a minaneho ni Val Anthony Fulla y Balbaro, 29, naasawaan, residente iti Zone 6, Bangued, Abra, idinto a nadadael met ti makannigid a likud a fender ti ten-wheeler Lorry tanker truck a minaneho ni Alberto Castillo y Melchor, 44, naasawaan, ken residente iti Barangay 30B, Laoag City, Ilocos Norte.

Nupay kasta, saan a nakaro ti dunor ni Fulla.

Naammuan iti report nga agpaamianan ti van ket mapapati a linisianna ti narugit a paset ti kalsada ket kimmaut iti bangir a linia a puon ti nakasapgidan kenkuana ti makasabatna a ten-wheeler truck.

Naiballakad ken ni Fulla ti panagpaagasna iti ospital tapno adda pagibasean no bilang agdinnarumda iti drayber ti tanker truck.#

Comments are closed.