Footer

3 nagtakaw iti dormitorio, napilaan iti kaso

VIGAN CITY – Tallo a tattao  ti napilaan iti kaso kalpasan nga inannugot ti maysa ti pannakaibiangna iti panagtakaw iti maysa a dormitorio sadiay Barangay Tamag, ditoy siudad idi napan a bulan.

Napilaan iti kaso a robbery da Joseph Redulla Pido, 25, baro, ken residente iti Barangay Nalasin, Camanggaan’ Alexander Samson Pajo, 20, baro, ken residente iti Barangay Rugsuanan; ken Roxane Rayray Adolfo, 25, balasang, ken residente iti Barangay Paratong, Vigan City.

Nayendorso ti kaso iti City prosecutor’s office, Vigan City, Ilocos Sur ket nai-docket iti babaen ti NPS number I-14-INV-13J-00126.

Nagpirma ni Rayray iti confession nga isu ti maysa kadagiti nagtakaw iti BDM Dormitory sadiay Quirino Boulevard, Tamag idi Septiembre 3 ket kinasakasda dagiti alikamen da Chatelyn Batin y Gacutan ken Charmaine Lived y Viernes a pakaibilangan ti DSLR camera nga agpateg iti P40,000.00, Acer laptop nga agbalor iti P20,000.00, Andriod Cherry Mobile nga agpateg iti P8,000.00 ken 3 pay a selpon a Samsung nga aggatad amin iti P9,000.00 wenno iti pakabuklanda a P77,000.00.#

Comments are closed.