Footer

Alad ti eskuela, naduprak gapu ti road widening

BANTAY, Ilocos Sur – Karaman ti alad ti maysa a pagadalan elementaria ditoy nga ili ti nabakbak gapu ta nasakupan ti madama a road widening project ti Department of Public Works and Highways.

Agsipud ta karaman a sakup ti kalsada ti naipatakder nga alad ti Bantay West Elementary School, dinuprak ti DPWH daytoy kas paset ti programa daytoy nga ahensia a pannakaikalawa ti highway ditoy probinsia.

Kanaig daytoy, nagsurat ti prinsipal ti nasao a pagadalan iti DPWH Regional Office tapno masuktan ti naduprak nga alad tapno masalakniban dagiti agbasbasa ditoy iti desgrasia ken peggad kadagiti aglabas a lugan.

Kinuna ni DPWH 1st Engineeing District Engineer Reynaldo Organo a mangilasin ti opisina iti pondo para iti pannakasukat ti alad.

Kas paset ti road widening ti DPWH iti probinsia, aglawa ti kalsada ti agsumbangir a saglilima a metro manipud iti sentro.#

Comments are closed.