Footer

Natakaw a motorsiklo, narekobre

CERVANTES, Ilocos Sur – Narekobre dagiti polis ditoy ti maysa a motorsiklo a natakaw sadiay Baguio City.

Iti report manipud iti polis ditoy nga ili, bayat ti panagpatroliada babaen ti panangidaulo ni Police Senior Inspector Pitok Lagto, nalabsanda ti maysa a naabandonado a motorsiklo  ket sinardenganda agsipud ta kaarngina ti description ti motorsiklo a naitimbre kadakuada a natakaw sadiay Baguio City idi Oktubre 10.

Pinakaammuan dagiti polis ni Charles Balance, akinkukua iti natakaw a motorsiklo, ket positibo a nabigbigna babaen ti engine ken chassis number daytoy.

Saan pay nga ammo no asino dagiti nangitaray iti motorsiklo ken kasano a nakadanon iti Cervantes.#