Footer

Paltog, boluntario a naisuko

STA. CRUZ, Ilocos Sur – Boluntario nga insuko ti maysa a residente ti Barangay Pinipin, ditoy nga ili ti paltogna kadagiti polis idi Oktubre 16.

Idi agarup 5:00 ti malem ti nadakamat a petsa, personal a nagparang iti municipal police station ni Edwin Corpuz, naasawaan, drayber, ken residente iti nadakamat a barangay sana insuko ti paltogna a .38 revolver (homemade).

Sakbayna, nangisayangkat dagiti polis iti panangidaulo ni Police Chief Inspector Simon Damolkis, OIC, iti maysa a dialogo kadagiti lumugar iti nadakamat a barangay mainaig iti nainget a panangiyimplementarda iti Comelec gun ban ken ti Operation Katok.

Inwayat daytoy ti kapolisan kalpasan a nagpulong ni Barangay Captain Graciano Cabagbag iti police station iti napasamak a panagpaputok iti paltog idi sardam ti Oktubre 7.

Ngem awan ti natiliw dagiti polis iti panagrespondeda.

Adda itan iti kustodia ti polis ti nasao a paltog.#