Footer

Presio ti karne ti baboy, baka, na-regulate babaen ti ordinansa

SINAIT, Ilocos Sur – Inaprobaran ti sangguniang bayan ditoy ti pannaka-regulate ti presio dagiti mailaklako a karne ti baboy, manok, baka ken dadduma pay a dingo iti tiendaan ti ili.

Kas sagudayen ti ordinansa, naituding ti P180.00 kada kilo ti presio ti baboy, P140.00 kada kilo ti manok, P200.00 ti baka ken P190.00 kada kilo ti karne ti nuang.

Dagiti liveweight a baboy nga agdagsen iti nababbaba ngem 50 kilos, napresioan iti P80.00 kada kilo idinto a P110.00 kada kilo ti presio dagiti agdagsen iti nangatngato ngem 100 kilos.

Mamulta dagiti aglabsing iti nasao nga ordinansa iti P3,000.00 para iti first offense, P2,500.00 para iti second offense, ken pannakakansela ti permit ken multa a P2,500.00 para iti third offense.

Nagtignay dagiti kameng ti sangguniang bayan ditoy a mang-regulate iti presio dagiti karne a mailaklako iti tiendaan agsipud iti kapaliiwanda a nangingina ti presio dagitoy  ngem iti kabangibangna nga ili ti Cabugao.#

Comments are closed.