Footer

Trabahador, nakakali iti skeleton ti tao

SINAIT, Ilocos Sur – Nakaduktal dagiti trabahador iti skeleton ti tao bayat ti panagkalida iti poste ti alad ti maipatpatakder a simbaan sadiay Barangay Macabiag ditoy nga ili idi aldaw ti Oktubre 16.

Nagreport iti polis ni Engineer Framal Editha Gaerlan y Ventura, 25, awanan asawa, assistant project engineer ti NS Mangio Construction, ken residente iti Barangay Teppeng, a nakali dagiti trabahadorna kadagiti tultulang ken kabkabanga ti tao idi makauneg ti pundasion ti alad a kalkalienda iti aganay maysa a metro.

Mapapati a nabayagen a naikali daytoy agsipud ta dandanin marunot dagiti tultulang.

Nakikoordinar dagiti nagresponde a polis nga indauluan ni Police Inspector Danilo Valoria, DCOP, ken ni Municipal Health Officer Dr. Edwin Agdeppa ken pinabendisionanda dagiti tultulang ken ni Fr. Nick Vaquilar sakbayda nga impaima dagitoy iti Ilocos Sur Provincial Crime Laboratory para iti forensic examination ken umisu a disposision.#

Comments are closed.