Footer

2 lalaki a sumangsango iti carnapping, naaresto

CANDON CITY – Dua a lalaki a sumangsango iti kaso a carnapping ti inaresto dagiti polis sadiay Barangay San Juan ditoy siudad idi aldaw ti Oktubre 24.

Inaresto dagiti operatiba ti Candon Police Station iti panangidaulo ni SPO4 Nestor Amigable, CESPO, idi agarup 11:45 ti bigat ti nadakamat nga aldaw da Greg Dimalanta y Cotillon, 48, naasawaan, ken  residente iti Barangay Lubing, Burgos, Ilocos Sur ken Pedro Camong y Onoria, 71, naasawaan, ken residente iti Barangay Langcuas, San Emilio, Ilocos Sur babaen ti bileg ti warrant of arrest nga inyisio ni Judge Policarpio Martinez ti Regional Trial Court, Branch 71, Candon City idi Agosto 2, 2013 mainaig iti kaso a carnapping maikontra kadagitoy.

Naituding ti P180,000.00 a piansa para iti temporario a pannakawayawaya dagiti dua.

Naipan dagiti akusado iti Candon CPS para iti umisu a disposision.#

Comments are closed.