Footer

Construction worker nagpaturong iti paltog, nagpangta a pumatay

SUYO, Ilocos Sur – Inaresto dagiti polis ti maysa a mannalon a nagpaturong iti paltog ken nangpangta iti maysa a construction  worker sadiay Sitio Batiagan, Barangay Uso idi rabii ti Oktubre 23.

Nagresponde dagiti polis iti panangidaulo ni Police Senior Inspector Napoleon M. Eleccion, Jr., OIC, kalpasan a nagpaarayat kadakuada ni Raymund Lives y Tallawan, 24, mannalon, ken residente iti Sitio Batiagan, Barangay Uso, Suyo, Ilocos Sur gapu ta pinaturongan iti paltog ken pinangtaan a papatayen ni Manuel San Andres y Paular, 32, naasawaan, trabahador, ken residente iti Barangay Bunga, Ligao City, Albay.

Nakakumpiska dagiti polis iti  ikut ni San Andres iti maysa a cal .45 Armscor pistol nga addaan iti dua a magasin nga addaan iti sagwawalo a bala.

Mapapati a nagsubang da San Andres ken ni Lives mainaig iti trabahoda iti konstruction ket nagtaray ti suspek a napan nangala iti paltogna iti safehouse sana pinangtaan ti naud-udi a papatayen.

Naikustodia ti suspek agraman ti paltogna iti police station  ditoy para iti inbestigasion  ken  umisu a disposision.#

Comments are closed.